ميمي جمال: عبد المنعم مدبولي له الفضل في اكتشافي ولم أجر عمليات تجميل

قالت الفنانة ميمى جمال إنها عندما التحقت بفرقة التليفزيون المسرحية، سيد بدير بعتلى، وقال لى أنت لسه مش نجمة، الأفضل ليك إنك تتوظفى وبعد كده تثبتى نفسك وفعلا اتوظفت، وأن الفنان الكبير عبد المنعم مدبولى هو صاحب الفضل في اكتشافي.

وأضافت ميمى خلال الجزء الثانى من لقائها مع الإعلامى الدكتور عمرو الليثى بيرنامجه واحد من الناس على شاشة الحياة، اشتغلت مع محمد عوض كتير فى السينما والمسرح، ومن المسرحيات اللى كسرت الدنيا عش المجانين واشتغلت ٤ سنوات وكان فيها نجوم حسن عابدين وليلى علوي والفنان الكبير محمد نجم.

وتابعت أنا راضية عن المكانة اللى وصلت ليها فى الفن وخاصة المسرح، ومارى منيب أول ما شافتنى فى بروفة مسرحية فى القطاع الخاص، وعملت بروفة مع الملقن وقالت لمدير المسرح هات لى البنت اللى اسمها ميمى جمال وكنت فكراها هتشكر فيها، وقالت لى أنا اتحولت منك على المسرح إيه رايحة جاية رايحة جاية، أنا احب البنت اللى تشتغل معايا تقعد جمبى وأنا اقول الجمل بتاعتى، وقلت ليها شوفى انتى عاوزة إيه وأنا أنفذه، وبعد كده بقيت أعمل زى ما هى عاوزة.

وأضافت ميمى لم أقم بأى عمليات تجميل، وأنا معزومة الشهر القادم فى حفلة والدكتور طلب منى يعمل لى عملية تجميل فى رقبتى ورفضت.

ووجهت رسالة مؤثرة إلى النجمين الراحلين سمير غانم ودلال عبد العزيز، وأنها تفتقدهما وأنهما أحب وأجمل شخصيات في الوسط الفني.