بسمة وهبة تهاجم الخطيب.. "أتمنى تسريح موسيماني" 

وجهت الإعلامية بسمة وهبة رسالة إلى محمود الخطيب رئيس النادي الاهلي، بعد خسارة السوبر المصري أمام طلائع الجيش بركلات الترجيح.

قالت بسمة وهبة، "بتكلم بصفتي أهلاوية من مدرجات الدرجة الثالثة، يا كابتن محمود إحنا ميهمناش تفتح جراج ولا إنك تعمل حفلة كبيرة علشان النجمة العاشرة، إحنا يهمنا كجمهور الأهلي النادي نفسه".

واضافت، "هل طبيعي يا كابتن بيبو نخسر دوري القدم ودوري اليد ودوري السلة والسوبر وكل البطولات اللي خدها المنافس وللأسف المنافس اللي كسبها واللي يضايق معندوش ربع إمكانياتنا ولا ربع ميزانياتنا، قولي بقى العيب عند مين بقى يا كابتن بيبو".

واردفت، أنا بسمة وهبة المشجعة الأهلاوية بطالبك بإقالة موسيماني وتسريح اي لاعب لا يقدر روح الفانلة الحمراء!، أتمنى أنه يوصله كلامي من مشجعة للنادي الأهلي مش لجان إلكترونية".