"أبطال في رمضان26" آية سالم: حمام محشي وجلاش وقمر الدين و"رامز وغادة"
شريف مدحت_محمد يحيى
آية سالم، نجمة منتخب مصر لناشئات رفع الأثقال ولاعبة نادي طلائع الجيش رغم أن عمرها لم يتجاوز العشرين عامًا، فهي تمتلك العديد من المقومات الفنية والبدنية التي جعلتها تحقق العديد من الألقاب العربية والإفريقية، فهي بطلة مصر والعرب وإفريقيا لناشئات رفع الأثقال.
ربما يعجبك
نعيش في باب "أبطال في رمضان" مع آية سالم الإنسانة.. ماذا تفعل في شهر رمضان وكيف تقضي يومها.
متى بدأت صيام رمضان؟
بدأت وأنا عندي ٨ سنين.
أين أفطرت في أول يوم؟
أفطرت في بيتنا ثم أفطرنا عند أهلنا في البلد.
ما أبرز ذكرياتك مع الصيام؟
ذكرياتي مع رمضان كانت أحلى وانا صغيرة، كانت تيتة عايشة وكنا نفطر عندها، كنا ننزل الشارع، بالنا رايق خالص، كانت ذكريات جميلة مع جدتي لكن توفيت.
حلويات ومكسرات وبطولات وذكريات مع رمضان؟
أقلل أكل الحلويات لأنني لا أحبها، وبسبب التمرين بعد الفطار أرجع آكل مكسرات كتير لكن بنظام برضه.
ما أبرز طقوسك في رمضان؟
أبرز طقوسي اني اصحو اصلي الفجر وطبعا أقرأ القرآن وأصلي وأحضر الفطار مع أهلي، وقبل الفطار بساعة أنزل أجري أو أمشي وأرجع ع الفطار.
كيف تقضين وقتك في رمضان؟
أفطر وبعدين أنزل شوية لأصحابي.
ما أكلتك المفضلة في رمضان؟
الجلاش والحمام المحشي ومحشي باذنجان والكبدة جملي وبطاطس والجمبري.
مشروبك المفضل في رمضان؟
قمر الدين.
أين تتسحرين؟
مع أهلي في شارع المعز أو في طبالي في مصر الجديدة.
أين تصلين التراويح؟
في البيت عشان بيكون معايا وقت الصراحة.
هل لك برنامج غذائي في رمضان؟
لا لكن أحافظ على أكلي بنظام.
أبطال في رمضان 11 نهلة رمضان: تصلي في القائد إبراهيم وتتابع نسل الأغراب ورامز
كيف تحافظين على وزنك في رمضان؟
آكل اللي نفسي فيه بصراحة، لكن أنزل أجري وأشرب مياه بكميات كافية.
تتابعين أي فنان في رمضان؟
أحب غادة عبد الرزق وأتابع مسلسلاتها كل سنة، وأحب مي عز الدين.. العزومات طبعا بتعمل دوشة وحاجات لكن أحاول أقسم وقتي.
"أبطال في رمضان16" الدبابة شيماء خلف: أجهز السحور والمحشي والجلاش والكنافة والقطايف
من أبرز النجوم الذين تتابعينهم في رمضان؟
لا أتابع مسلسلات كثيرًا، لو في مسلسل عجبني لكن في العموم لا وقت لديّ.
هل تتابعين برامج رمضانية؟
برنامج مصطفى حسني قبل الفطار.
هل تتابعين برامج المقالب؟
برنامج رامز جلال بحبه قوي بتفرج عليه وأنا بفطر.
وهل اختلفت عن زمان؟
اه بصراحة كل حاجة اختلفت، كنا نسافر عادي وكنا نتجمع لكن دلوقتي بسبب كورونا لا نقابل قرايبنا كثيرا.
بتعملي في حد مقالب أو حد بيعمل فيكي مقالب؟
مش بعمل مقالب ف حد خالص ممكن يتعمل فيّ من أصحابي لكن مش كتير.
أكثر برنامج مقالب تحبه؟
برنامج رامز جلال اكتر حاجة بحبها.
بتسمعي الراديو؟
بحب اسمع الراديو وفيه حاجات حلوة.
بتروحي فين في رمضان؟
ممكن اروح عند قرايبي بنزل امشي وبنزل امشي الكلاب كده يعني.
بتخشي المطبخ في رمضان؟
اه طبعا بدخل المطبخ كتير.
بتطبخي إيه؟
كل حاجه وانا بحضر الفطار كمان.
مين يشتري لك الفانوس؟
أختي وبابا.
ما ذكرياتك مع لبس العيد؟
بفرح جدا وانا جيب لبس العيد عشان بحس اني بحضر لحاجة حلوة فرحة العيد والجو الجميل لكن لما كبرت بقا حاجة عادية مش حاسة بفرق بصراحة.
ماذا تقرئين في رمضان؟
المصحف بس.
ما طقوسك قبل الإفطار وبعده؟
أصحو أروق البيت وأحضر الإفطار وأنزل أخرج سواء مع العائلة أو الأصدقاء
ما أوقات التمرين في رمضان؟
وقت التمرين بعد الفطار وصلاة التراويح 3 أيام في الأسبوع.
جوجل نيوز
