والدة الشهيد الملقب بـ"أسد سيناء" تروي تفاصيل استشهاده "فيديو"

كتبت - سمر سيد

روت والدة الشهيد أشرف إبراهيم جاد، الأحداث التفصيلية التي استشهد فيها نجلها، أثناء ذهابه إلى مأمورية تبع الجيش المصري في وسط سيناء.

أشرف إبراهيم جاد، يعمل بمقر قطاع القسيمة في وسط سيناء، أثناء وجوده بمأمورية تابعة للقوات المسلحة في أحد الكمائن بوسط سيناء، هجم 14 إرهابيا وقتلوا 26 عسكريا، وكان من الإرهابيين 4 مفخخين، وقالت: "اتنين جروا رايحين نحية مخزن الذخيرة ومقر ضباط الجيش، اشرف كان في الغرفة بتاعته هو وظابط زميله، سمع حرس سلاح جروا من غير ما يلبسوا هدومهم بالسلاح بتاعه، ضرب واحد منهم جت الطلقة في دماغه مات، الكلب التاني قعد يواجه فيه وخلى العساكر تاخد ساتر ووقف في وشه قعد يضرب فيه".

وتابعت: "الإرهابي قعد يواجه في أشرف لحد ما ضربه في رجله برصاصتين، لكن أشرف فضل واقف صامد، شجاع، وضرب لآخر لحظة في عمره، ضربه جت الطلقة في صدره، قام الإرهابي رمى سلاحه وجاي يفجر نفسه، جيه العسكر قدام اشرف عشان يفديه"

وقالت والدة الشهيد أشرف، إن ابنها كان ملقبا بأسد سيناء، فقضى بها خدمته لمدة ثلاث سنوات ونصف السنة، وقالت: "أشرف دفع حياته عشان خاطر مصر وارض مصر وتراب مصر، ربنا اللي حاميها وحارسها وهتفضل مصر رغم انف الحاقدين والحاسدين وتحيا مصر.. تحيا مصر".