شذى توجه رسالة جديدة إلى تامر حسني بعد عتابها له

وجهت المطربة شذى ‏رسالة جديدة إلى المطرب تامر حسني بعد العتاب الذي وجهته له مؤخرا لعدم سؤاله عنها عقب وفاة والديها.‏

وقالت شذى ‏في منشور عبر حسابها بموقع فيسبوك: "من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه وأكتر واحد برضه عارفني وعارف إني على الله حكايتي ودماغي بتسوحني كتير".‏

 

 

وأضافت شذى: "حقك عليا ودايما العتاب بيكون على قد الغلاوه وعلشان غلاوتك كتير هبت معايا زياده متزعلش مني وهتفضل صاحب عمري اللي عدينا مع بعض كتير الوحش قبل الحلو ياوش قفص ‏قلبي".‏

وكانت شذى قد وجهت عتابا إلى تامر حسني، إذ قالت: "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر ‏بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".‏

وتابعت: "على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب ‏لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".‏