ريم مصطفى: أنا مطلقة وعندي ولدان وتزوجت في سن 19 سنة

كشفت الممثلة ريم مصطفى مفاجأة بأنها مطلقة ولديها ولدان، مشيرة إلى أنها تزوجت في سن 19 سنة، وأن الطلاق وقع بعد عشر سنوات.

 

 

وقالت ريم مصطفى في تصريحات تليفزيونية: "المشكلة أنهم يعتقدون أن علاقات الحب بسيطة وبياخدوها ببساطة شديدة وعشان كده أي واحد وواحدة في علاقة لازم يعرفوا هما بياخدوا القرارات إزاي، فيه ناس بتبقى عاوزة تتجوز وخلاص، وبعد كده يحصل الصدام وينتج عنه طلاق كتير، وده بنشوفه في علاقات كتيرة حوالينا".

وتابعت مصطفى: "أول مرة بقول كده أنا مطلقة، وكنت متزوجة وعندي ولدان عمر وعلي"، مضيفة: "تزوجت صغيرة جدا في عمر 19 سنة، وكانت من أهم التجارب في حياتي وتعلمت منها أن أهم شيء كيف نختار شريك الحياة؟ ومن حسن حظي أن زوجي محترم وابن ناس وراقٍ والطلاق كان بسبب أننا مختلفان عن بعض مش عشان حاجة تانية، ومش لازم الطلاق يعني أننا نفرج الناس علينا ونروح محاكم وابو ولادي بتربطني بيه علاقة صداقة واحترام".

وكشفت ريم مصطفى أنها لو وقعت في مشكلة في يوم ما ستلجأ لطليقها، قائلة: "الحاجة الوحيدة الي اتفقنا عليها أننا نربي ولادنا كويس، وتزوجت مدة استمرت لعشر سنوات وطلاقنا سببه الاختلاف فيما بيننا وعمرنا ما اتخانقنا".