تامر حسني يكشف عن مشهد من أهم فيلم كتبه في حياته
محمد إسماعيل
كشف المطرب تامر حسني عن أهم حوار كتبه لعمل فني في مشواره، وهو تأليفه لفيلم "مش أنا".
ربما يعجبك
وشارك تامر حسني جمهوره بمشهد من الفيلم، رأى أنه سينقذ كثيرون من الإحباط، إذ قال تامر حسني في تعليق أرفقه بالمشهد الذي نشره عبر حسابه بموقع فيس بوك: "مشهد ”الحمد لله” من فيلم مش أنا يمكن اهم حوار كتبته في حياتي واتمنى ياخد نصيب كبير اوي في الانتشار عشان واثق ان كلامه كتير منكم محتاجين يسمعوه وهيكون علامة جميلة لناس كتير محبطة ومستنية التشجيعة دي عشان يقوموا ويحققوا اللي ناقصهم لما يركزوا ان في ناس ظروفهم كانت اصعب منهم وقدروا يوصلوا وينجحوا".
وتابع تامر حسني: طبعا الموضوع فينا احنا مش في الظروف ظروفك الصعبة دي ممكن تصنع منك بطل، انت اللي هتحدد وهتقرر ظروفك هتصنع منك ايه قوم يلا ينفع تحلم تاني وعاشر الحلم ملوش وقت ولا سن والوقت مش متأخر ولا حاجة وما دام بتصحى من النوم بتلاقي نفسك عايش يبقى ربنا لسه عايزك وعندك مُهمة في الحياة قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي وزي ما كتبت في حوار الفيلم “المريض الحقيقي هو اللي معندوش طموح”.
"مش أنا" فيلم كوميدي من إنتاج سنة 2021. الفيلم من إخراج سارة وفيق، وتأليف تامر حسني، وإنتاج تامر مرسي، ومن بطولة تامر حسني، وحلا شيحة، وماجد الكدواني، وحجاج عبد العظيم، وسوسن بدر.
ملخص القصة يدور خول حسن الذي يصاب بحالة غريبة تفقده السيطرة على يده، فيصبح مع مرور الوقت ضحية العديد من الموقف الصعبة والمحرجة، بينما يرفض كل من حوله تصديق حالته.
جوجل نيوز
