بعد الفوز بثلاثية نظيفة نجوم اللقاء يؤكدون: الجماهير السر وراء مكسب اليوم 

علق نجم الاهلي وصاحب الهدف الثالث عمرو السولية، علي فوز الاهلي اليوم أمام بيراميدز بثلاثة أهداف مؤكداً: اللاعيبة كلها كانت رجالة وكان هدفنا من قبل الماتش أننا ننزل نكسب وبأداء كمان لان مكسب الماتش اللي فات كان بأداء مش أحسن حاجة في ده، كان حافظ لينا أننا نبذل كل مجهودنا علشان نلعب كويس ونكسب ونرجع للصدارة".

وعلق السولية علي عدم مشاركته بشكل أساسي مع الفريق اليو، موضحًا "في ضغط مباريات كتير الفترة دي و الاجهز بينزل سواء أنا و حمدي أو أليو ديانج كلنا واحد الاهم هو مصلحة الفريق"، واختتم السولية تصريحاته، موجهاً الشكر للجماهير علي موازرة الفريق أطوال الـ90 دقيقة وحتى الثواني الاخيرة مؤكداً " دور الجماهير دور كبير وتشجيعهم اللي بيحمسنا وبيحركنا".

كما أكد فؤاد كريم أيضا دور الجماهير معلقًا: "الجماهير انهارده كانت السر وراء الفوز احنا فضلنا بنلعب لحد اخر دقيقة و هما بيشجعوا لحد آخر دقيقة"، وأضاف كريم أن الفوز اليوم جاء نتيجة تنفيذ كافة تعليمات قبل و أثناء المباراة ، حيث اكد ان موسيماني شدد علي ضرورة تنفيذ خطة اللعب بدون أي أخطاء.

واختتم تصريحاته مؤكدًا، "صفحة الفوز علي بيراميدز اتقفلت خلاص وهنفتح صفحة الفوز علي صن داونز في الماتش اللي جي ان شاء الله".

 

وفاز الاهلي بثلاثية نظيفة علي بيراميدز أحرزها كل من أفشة ومحمد شريف والسولية .