والدة ماهيتاب ماجد المصري تكشف سبب انفعالها في يوم زفافها

نفت الفنانة منى إش إش شائعة طرد ابنتها ماهيتاب ماجد المصري بعض الأشخاص لعدم دعوتهم في حفل زفافها الأسبوع الماضي.

 

 

وأكدت منى إش إش عبر حسابها بموقع انستجرام للصور: "ماهيتاب بنت بلد جدعة ومحترمة وحنونة واللي يعرفها سوف يأكد كلامي. أولا هي قالت للمتطفلين المندسين إللى إحنا ما نعرفش مين دول وهجموا علينا زي الجراد وزحموا المكان على المسرح وقفوا ورانا وقدامنا كأنهم أصحاب الفرح غير اللي كانوا تحت مع المعازيم قالتلهم إنزلوا من على المسرح. مش اطلعوا برة زى عنواين المواقع الإلكترونية كاتبه عشان تلفت النظر. اسمعوا كلامها بتقول إيه وركزوا."

وتابعت: "للعلم أنا طلبت منهم يوسعوا المكان وعريسها كمان. وفى الآخر هي غضبت لأنه لا حياة لمن تنادي... واللي غلط في بنتي ربنا ينتقم منه."

وكان مستخدمو مواقع التواصل الاجتماعي تداولوا مقطع فيديو للعروس ابنة الفنان ماجد المصري وهى تقول للحضور في مكبر الصوت: "كل الناس اللي ملهاش لازمة ومش معزومين من فضلكم يتفضلوا، من هنا ومن المسرح."