عمر كمال عن منافسته مع عبد الباسط حمودة: "حاجة متقللش مني"
محمد إسماعيل
رد مغني المهرجانات عمر كمال على الساخرين من غنائه "أنا مش عارفني" مع المطرب الشعبي عبد الباسط حمودة في برنامج "الحكاية"، مع الإشادة بعبد الباسط حمودة.
ربما يعجبك
وقال عمر كمال في رسالته إلى منتقديه: "أنا فاهم وعارف حتتي كويس أووي اللي بغني فيها.. ومفيش مطرب خلقه ربنا بيغني كل ألوان الغنا بنفس التمكن والشطارة هتلاقيه مؤدي ف حتة ومطرب شاطر ف حتة.. وربنا خلق أصواتنا ومساحات صوتنا غير بعض خالص".
وتابع: "بس كل واحد ليه بصمة ولون وطعم وإحساس غير التاني.. فأنا مش مطلوب مني أغني لحن مش بتاعي ومش شبهي ومش مساحات صوتي فطبيعي هغنيه على استحياء وكمان لما يكون صاحبه موجود وبيغنيه بقاله ٢٠ سنة يوميا أكيد هيقوله أحسن مني ١٠٠ مرة فكوني قولت حاجة مش بتاعتي وادائي فيها كان مش كويس فديه حاجة متقللش مني وأنا قولتها ارضاءً للطلب ولما صاحبها غناها معايا أكيد غناها افضل مني لأنها بتاعته ومساحته وشكله فده أمر طبيعي".
نشير إلى أن عمر كمال وعبد الباسط حمودة أطلقا منذ أيام أغنية تحمل اسم "ضيعنا" تعاونا فيها سويا، وهي من كلمات عمرو قطب وتوزيع إسلام شيبسي، وتشهد العمل الإنتاجي الأول لعمر كمال بعد تقديمه عددًا من المهرجانات، وتم تصوير الكليب في أحد فنادق الجيزة.
جوجل نيوز
