نيللي كريم تكشف تفاصيل أزمتها في مهرجان قرطاج

كشفت الفنانة نيللي كريم، تفاصيل أزمتها وزوجها هشام عاشور في مهرجان قرطاج السينمائي في تونس.

وأوضحت كريم، أنها كانت غاضبة واستاءت من مراسم استقبالها، وأنها كانت تفضل أن تكون وزيرة الثقافة أو مدير المهرجان في استقبالها، مضيفة في تصريحات تلفزيونية: "طلع كلام كتير إني جيت وسافرت وفيه كلام اتقال غير صحيح مكنتش ناوية أرد عليه، لما كلموني عشان آجي مهرجان قرطاج وده شرف كبير ليا إني أروح تونس جدا وبحب الشعب التونسي".

وحول ما تم تداوله عن اتفاقها مع منظمي المهرجان بأنها ستبقى لمدة ثلاثة أيام، وبأنها غيرت رأيها، وما هو متفق عليه لمجيئها وعودتها، وأنها أملت بعض الشروط، مثل رفضها مقابلة الصحفيين، كشفت نيللي كريم: "طلبت منهم أني أجي 24 ساعة فقط عشان ظروف التصوير، قالولي تمام، وصلت المهرجان يوم 30 والمهرجان كان يوم 30 ، وسافرت يوم 31 الصبح".

وأضاف: "مكنش فيه مؤتمر صحفي ولا حد قالي هنعملك مؤتمر صحفي لأني مش هكمل المهرجان لآخره، اتهمت إني مقولتش كلمة، متعودة إني في أي مهرجان بنروحه مش أنا بس كل الزملاء بتوعي روحت مهرجانات كتير، لما تطلع المسرح، بيسألولك تحب تقول كلمة أو اتفضل قول كلمة".

ومضت كريم تقول: "قبل ما أطلع على المسرح كنت قاعدة مع طارق الشناوي عاوزة أقول كلمة وأنا قد إيه مبسوطة وعاوزة أشكر مهرجان قرطاج ولسه بحضر الكلام لاقيتهم نادوا اسمي واستلمت الجائزة وكنت مستنية حد يطلب مني أقول كلمة، ولم يطلب مني أقول كلمة، أنا شخص خجول لو أنا في مهرجان القاهرة وعلى المسرح كنت طلبت وقولت كلمة، أي حد بيكون حابب يتصور معايا من أصغر واحد لأكبر واحد عمري ما بقول لأ، بس لما خرج المهرجان خرجنا كلنا، وكنت لابسة فستان طويل، والناس داست على الفستان وقطعته، والقيت ناس بتدفعني عشان تتصور معايا، ومكنش فيه أمن".

وأوضحت كريم: "بعد ذلك حدث نوع من الارتباك لأن فستاني اتقطع، ولقيت حد بيطلع الموبايل عشان يتصور معايا وحد بيدفعني من ورا، يعني فيه هرجلة حصلت، خرجت من القاعة عاوزه أركب العربية وأمشي بسرعة على الفندق، أنا رغم ده كله متكلمتش، بس لقيت فيه هجوم عليا مش عارفة ليه، كان معايا طارق الشناوي، الناقد الفني القدير، وهو كان في لجنة التحكيم من أوله لآخره".

وكان مقطع فيديو قد وثق انفعال هشام عاشور زوج نيللي كريم على بعض الأشخاص خلال مشاركتها في مهرجان قرطاج السينمائي، عندما كانوا يحاولون التقاط صور السيلفي معها، وقال عاشور لمن حاولوا التقاط الصور معها بصوت عال: "مفيش صور.. مش هناخد صور مع حد.. إيه المهزلة دي". ثم أخذ بيد نيللي كريم، وغادرا.