نشوى مصطفى تروي تفاصيل تعرُّض نجلتها للتحرُّش

أعلنت الفنانة نشوى مصطفى، عن تعرُّض نجلتها لواقعة تحرُّش أثناء قيادتها للسيارة من قبل بعض الأشخاص يقودون شاحنة نقل.

وروت نشوى مصطفى تفاصيل ما جرى، فكتبت عبر حسابها بموقع فيسبوك: "النهارده بنتي اتعرضت للتحرش من العربية دي وفضل يزنقوا عليها واترهبت وهي سايقة على كوبري ناحية الهرم المنصورية وكلمتني وهي مفزوعة قلت لها حاولي تصوريهم وعملوا لها إشارات سافلة زي ماهو في الصورة كده".

وتابعت نشوى مصطفى: "الحمد لله ربنا ستر وبنتي موقعتش من على الكوبري وهى مرعوبة من حجم العربية اللوري اللي بترهبها - حسبي الله ونعم الوكيل فيهم".

وأكدت نشوى مصطفى، أنها بصدد اتخاذ كل الإجراءات القانونية حيال هذا الأمر، مع الجهات المختصة، وأضافت: "شكرًا لكل الأصدقاء المحترمين اللي اتواصلوا معايا وساعدوني واللي أزعجتهم بالبوست اللي فات، بس الحمد لله فيه إجراءات دلوقتي بتتاخد وبإذن الله ربنا يحافظ عليكم وعلى ولادكم".