عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
النجم الساطع 2021
البنك الاهلي

عاجل/ نص حديث الرئيس مع السيدة "بوسي".. يا أهلًا وسهلًا بالستات الجدعان 

الرئيس السيسي
الرئيس السيسي

أجرى الرئيس عبدالفتاح السيسي، مداخلة هاتفية مع الفضائية المصرية، على خلفية تناول الإعلامي يوسف الحسيني، لقصة السيدة المصرية المكافحة بوسي، التي تعمل حدادة في المنصورة بمحافظة الدقهلية.



وهذا نص الحوار، الذي دار بين الرئيس والمواطنة البسيطة الشريفة، التي تعمل وتشقى لمساعدة إخوتها: 

الرئيس: أنا مش عاوزها تشكرني، أنا عاوز أسمع منها ونسمع الناس.

بوسي: إزي حضرتك يا سيادة الريس. الرئيس: أهلًا وسهلًا.. أهلًا وسهلًا بالستات الجدعان.

- يا رب يبارك في حضرتك وفي صحتك. 

ربنا يديكي أنت الصحة ويعينك على المهمة اللي بتقومي بها، مش عارف من حقي ولا هتبقى قلة ذوق مني لو سألتك عن عدد الإخوات والإخوة ما شاء الله ولا قوة إلا بالله ١٤ كما قاله الأستاذ يوسف، ربنا يزيد ويبارك؟ بوسي: آه ربنا يبارك في صحتك ١٤.

الرئيس: أنت تقومين بمهمة كبيرة جدًا، لو حد عاوز يصلي في الجامع طوال الوقت مقارنة بما تقومين به من جري على إخواتك فإن أجرك كبير أوي يفوقه، بما تفعلينه تتمنين على الله، تقسمين على الله تقولي يا رب بحق شقايا على إخواتي وفقني في كذا، وربنا سميع مجيب إن شاء الله.

وأضاف الرئيس لا تشكريني، إحنا تحت أمرك، وتحت أمر كل مصري.

بوسي: مش عارفة أقول لحضرتك إيه، أنا فخورة إني بكلم حضرتك، ويا رب يديك الصحة ويبارك في حضرتك.

الرئيس: تصدقي بالله، أنا اللي متشرف إني بكلمك. 

بوسي: والله أنا اللي متشرفة إني بكلم حضرتك.  الرئيس: شوفي اللي عايزاة كله نعمله إحنا.  تحت أمرك.  بوسي: ربنا يبارك في حضرتك. الرئيس: الصورة اللي شايفينها على التليفزيون مشرفة، نموذج مشرف للمرأة المصرية المكافحة الشريفة.  وكان على الشاشة فيديو يظهر بوسي سيدة مصرية من المنصورة، تعمل حدادة للإنفاق على أشقائها وشقيقاتها، البالغ عددهم ١٤ فردًا. الرئيس: تحت أمرك لو محتاجة شيء؟

بوسي: ده كتير عليا ربنا يكرمك.  

وكانت "بوابة روزاليوسف"، أول من تناول قصتها في تقرير مصور مارس ٢٠١٩.

تابع بوابة روزا اليوسف علي
جوجل نيوز