نرمين الفقي: عمري ما عملت عملية تجميل الراجل مش بيحب "الست الفيك"

نفت الفنانة نرمين الفقي إقدامها على إجراء أي جراحات تجميل قائلة: "عمري ما عملت خالص.. حواجبي بس كانت تقيلة زمان".

وتابعت في لقاء خلال برنامج "كلمة أخيرة" الذي تقدمه الاعلامية لميس الحديدي على شاشة "ON" قائلة: "أنا لست ضد التجميل لكن ضد المبالغة والعبث في الجبهة، حتى لو قالوا فيها تجاعيد إزاي همثل ووشي متحجر؟! حاجات كتيرة أوي ما ينفعش تحصل".

لكنها عادت وقالت: "فيه حاجات تجميل كتيرة ممكن تبقى مهمة زي واحدة تعرضت لحادثة وتسبب لها في مشكلة أو أن أنف احدهم بها مشكلة.. هناك اشياء تستدعي إجراء التجميل لكنني أرفض المبالغة وإننا كلنا نبقى شبه بعض".

واستطردت: "الراجل دلوقتي مش بيحب الست "الفيك" وده حقيقي لما بسمع اصدقائي في انتقادهم لست مثلاً يقولوا دي عاملة كام عملية أو مكبرة ومصغرة.. لكن أحلى حاجة الطبيعية وأن الانسان لازم يرضى باللي ربنا كاتبهوله".

وحول شراهة الجيل الجديد في التجميل قالت: مشفتش ده بس ممكن أشوف واحدة حلوة أوي وكيوت وألاقيها عملت حاجة وبوظت شكلها ببقى نفسي أقولها ليه عملت كده وإنت زي القمر.. عشان إيه؟