ما علاقة الزهق والملل بالأكل
لايف كوتش تكشف سبب "الجوع العاطفي" وكيف نتغلب عليه
محمد يحيى
عندما يأتي الإحساس بالزهق نبدأ التفكير في الأكل، مش لاقيين حاجة نعملها فنشوف هناكل إيه، بنتسلى بالأكل، وطبعا السلوك ده بعد فترة طويلة يؤثر على صحة الإنسان ويزود وزنه على المدى الطويل، وهذا ما يسمى "العلاقة بين الزهق والملل والأكل"؛ بحسب تعبير اللايف كوتش جيهان عاشور.
ربما يعجبك
اللايف كوتش جيهان عاشور، المتخصصة في الأكل العاطفي والتخسيس، تؤكد أن السبب في اللجوء للأكل أنه أسهل وأسرع طريقة، للقضاء على إحساس الملل والزهق.
لكن هل توجد حلول أو بدائل ممكن أن نلجأ لها بدلًا من التفكير في الأكل؟
أولًا لازم أعرف أنا باكل ليه؟ وأكون عارف ومدرك وفاهم مشاعري كويس، وعارف إن الزهق مش حله الأكل، فعمر الأكل ما كان الحل؛ وذه لأني بعد ما أخلص أكل، سيبقى الزهق موجودًا كما هو، وأفضل أدور على حاجة تانية عشان آكلها وهكذا، وهذا سيجلب معه مشاعر أخرى مثل الندم والإحساس بالذنب.
وتوضح جيهان أنه يوجد أمر آخر مهم، وهو أن أعود نفسي على الأكل بشويش وmindfully، يعني أقعد وآكل وأركز في طبقي، أستطعم الأكل وأستمتع به، لأعطي فرصة للعقل إنه يعرف أنك خلاص شبعت واتبسطت بالأكل، عشان في فرق توقيت بين البطن والعقل.
ومن أهم الحلول للقضاء على الزهق تحضير "ليستة" أو قائمة بإيه اللي ممكن أعمله لما أزهق غير الأكل، أكتب فيها الحاجات اللي ليها معنى عندي، يعني مكتبش لما أزهق هقرأ كتاب وأنا أصلًا مش بحب القراءة، مكتبش هتكلم في التليفون وانا مش بحب الرغي مثلًا، لكن أكتب في الليستة بتاعتي الحاجات اللي بحب أعملها، ويكون لها قيمة عندي فعلًا وهتسليني ومش هتخليني أفكر في الأكل.
ولو لجأت للأكل بسبب الزهق والملل فممكن ألجأ لأكل صحي، ممكن آكله وقت الزهق وأتسلى بيه، مثلًا طبق فشار، لب سوري (كمية قد كف الإيد)، حمص الشام، خضروات متقطعة خيار وفلفل ألوان وجزر، فاكهة متقطعة عشان تأخذ وقت في الأكل.
جوجل نيوز
