شريف منير يكشف معلومات لأول مرة عن فيلم "السرب"

علق الفنان شريف منير على دوره في فيلم "السرب" من إنتاج شركة "سينرجي"، والذي يسلط الضوء على بطولة القوات الجوية ومواجهة الإرهاب.

 

وقال منير في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على قناة "ON": مساء اليوم الاثنين: "أنا بحب هذه النوعية من الأدوار والأفلام لانه من خلالها بقول للناس أنا بحب مصر، وهي دي اللحظات اللي بنبين فيها حب مصر وشعوري  ببلدي ومصر الجديدة اللي عايشنها الآن والتي تشهد تحقيق خطوات  ناجحة ومهمة وعظيمة تتسم بالثبات والثقة.

وتابع منير: بحب الأدوار الوطنية زي أولاد العم، وكان عملًا صحيحًا قمت فيه بدور إسرائيلي، لكن كنت مبسوط بيه لأنه بين رسالة مهمة إزاي مؤسساتنا الأمنية حاكمة وبتحافظ على البلد وبتدير المنظومة بشكل جيد.

وعن طبيعة دوره في الفيلم وهل سيكون قائدًا للقوات الجوية؟، قال شريف منير: الفيلم مشرف في قصته لأنها ليست حدوتة  مفتعلة لكنها قصة حقيقية تمثل مجزرة وأخذ الثأر، وكلنا  سمعنا عن القصاص اللي حصل بس مشفنهوش على أرض الواقع، ومن خلال هذا العمل هنوري الناس جزء من القصاص على مقدرتنا وهو جزء بسيط من اللي حصل فعليًا والناس هتخرج بعد مشاهدة الفيلم شاعرة بالفخر بالسينما  المصرية وببلدها".

وأكمل: "أحمد السقا بطل الفيلم وأنا عارفة لانه أخويا الصغير ما بيحبش  يتكلم عن نفسه وهو هيلعب دور مهم جدًا جسده بشكل قوي جدًا وأحمد نادر جلال كان مايسترو وكل من خلف الكاميرا عمل شغل هايل".

وأردف منير: بالنسبة لي، أنا عامل دور ضيف شرف في الفيلم لكن بالنسبة لآسر ياسين وكريم فهمي وأحمد حاتم إحنا كلنا بنشغل في الفيلم ده شرف لينا مش ضيوف، وكل واحد محطوط في حتة محدش هينساه زي ماعملت دوري في الممر وعمل أثر".

وحول وجود أدوار نسائية في الفيلم، كشف: "هند صبري  موجودة في الفيلم وأنا دوري الجزء الخاص بي  يتعلق بقصف القوات الجوية وإحنا قضينا أيام مع الأبطال الحقيقيين وشفنا ناس رجالة ورحبوا بينا جدًا وقدموا لينا التسهيلات بكل حب وأمانة وأحنا كممثلين بنستمع بحاجات المواطن العادي مش بيشوفها زي ماتفرجنا أثناء التصوير على طائرات الـ F 16، ولما شفنا قائد الطيارة قدامنا بنحس بسعادة كبيرة".