عبير صبري تكشف حقيقة ندمها على ارتداء الحجاب
محمد إسماعيل
ردت الفنانة عبير صبري على الجدل المثار خلال الساعات الماضية حول تصريحات على لسانها بأنها أبدت ندمها على ارتداء الحجاب، نافية كل ما جاء في هذا الصدد.
تعليق عبير صبري على شائعات السوشيال ميديا
وأصدرت عبير صبري بيانا صحفيا، قالت فيه: "باختصار أنا عملت حلقه مع دكتور عمرو الليثي في برنامج واحد من الناس وكان سؤال من دكتور عمرو: ندمتِ علي لبس الحجاب؟ رديت حرفيا ندمت إني لبسته بدون ما أكون مستعدة مظبوط وندمت إني قلعته وأتمني أرجعله في توقيت تاني ربنا يختاره ليه. نقطة، آخر السطر".
وأضافت عبير صبري: "أما المواقع اللي اخدت نص الاجابة بكيفها عشان الترند والرخص انا ياجماعه مش من محبي الترند ولا بحترمه وبشوفه شيء رخيص وتافه وميعبرش عن شخصيتي المتوازنه المحترمه".
وأكملت عبير صبري: "والنقطه بتاعت الحجاب دي تحديدا معروف راي فيها دايما اني بعتبره فرض واحترمه واتمني العوده ليه فلو سمحتم محروق الترند القذر واللي بيسعي ليه علي حساب كرامه الناس وسمعتهم بيان لكل الاصدقاء الصحفيين علي صفحتي بنشر البوست ده".
ولم تكتفي عبير صبري بالبيان الصحفي، وخرجت عبر حسابها بموقع إنستجرام، لتقول: "صباح الخير ارجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل اذاعه الحلقه ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامه الفنان اللي هيتعرض ليه الفنان طالما هيعملوا ترند محروق الترند الرخيص علي اللي بيسعي ليه".
وتابعت عبير صبري: " رأيي كان ومازال الحجاب فرض أؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج واحد من الناس مع دكتور عمرو الليثي هل ندمتي علي الحجاب قلت حرفيا ندمت اني لبسته قبل مااكون مستعده مظبوط للخطوه دي وندمت اني قلعته واتمني ارجعله في وقت تاني".
وأنهت عبير صبري حديثها بقولها: "لو سمحتم متحطونيش في خانه مش بتاعتي ولا انتمي ليها انا اؤمن بالحجاب واحترمه وامي واختي محجبات وانا بعرف انا بقول ايه كويس اما شتايم الناس فهي في رقبه كذب المواقع الباحثين عن ترندات قله القيمه وشكرا".
جوجل نيوز
