بعد عودتهما.. بسمة بوسيل للفنان تامر حسني: أنا فعلا اتهورت.. بس عشان بحبك
محمد إسماعيل
اعترفت الفنانة المعتزلة ومصممة الأزياء المغربية بسمة بوسیل بخطئها، وتقبلت عتاب زوجها النجم تامر حسني الذي وصفها فيها بالمتهورة.
ربما يعجبك
تصريحات بسمة بوسيل
وقالت بسمة بوسیل، في منشور عبر خاصية ستوري، على حسابها بموقع إنستجرام: "فعلا اتهورت.. بس عشان بحبك.. آسفة".
وكان تامر حسني قد بادر بمصالحة زوجته بسمة بوسيل في رسالة قال فيها: "بسمة حببيتي للأسف إنتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي إنك عرفتيني وانا مشهور ودي طبيعة شغلي اللي عرفتيني عليها وحبيبتني بيها، إزاي وصلوكي للزعل والبعد فترة.. المهم أنا مش هزعل منك ولا يرضيني زعلك إنتي حبيبتي وأم ولادي .. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير".
وتابع تامر حسني: "ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول إيه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف إنتي عارفة إن في ناس في طبيعتهم حب خراب البيوت ومش هنخلص منهم بس إنتي اللي هتهلصي من فكرة إنك تسمعيهم".
وأضاف تامر حسني: "ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك".
وكانت بسمة بوسیل، قد فاجأت الجمھور بإعلان خبر انفصالھا عن تامر حسني من خلال منشور، كتبت فيه: "لكل الناس اللي بتبعتلي فیدیوھات وصور لتامر وشایفه أنه مش بیعملي احترام سواء في صور او فیدیوھات یاریت یاریت ما تبعتولي اي حاجة عشان مش فارق لي أي صور".
وأضافت: "وكمان أحب أعرفكم أن إحنا بقالنا فترة منفصلین وبنحضر أوراق الطلاق لو سمحتوا احترموا مشاعر كل حد فینا وبطلوا تبعتولي على الأقل أنا أي حاجة بالتوفیق للجمیع".
قد يهمك أيضا..
بالفيديو.. تامر حسني يدعم مؤمن زكريا بأغنية بمشاركة نجوم الرياضة والفن
جوجل نيوز
