عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

الطفل مهند صاحب اقتراح "مادة الأخلاق": استجابة الرئيس السيسي ورده بالدنيا كلها

الطفل مهند
الطفل مهند

حل الطفل "مهند"، صاحب مقترح تدريس مادة احترام الآخر بالمدارس، ضيفا على على برنامج "هذا الصباح" الذي تقدمه الإعلامية أسماء مصطفى على قناة إكسترا نيوز.



 

أشاد مهند، خلال اللقاء، بسرعة استجابة الرئيس عبد الفتاح السيسي لتطبيق المادة وطبع الكتب الخاصة بها في مدة أقل من 9 شهور، قائلا: "كان إحساسا رائعا أول ما سمعت رد الرئيس عليا حسيت بأحاسيس مختلطة من فرح لغبطة لسعادة.. طبعا كان في توتر وخوف في الأول بس قدرت اتغلب عليه، وكمان إن فخامة الرئيس يرد عليا بنفسه ويقولي يا مهند هنفذلك اللي أنت عايزه دي لوحدها بالدنيا كلها بالنسبة لي.. بشكره جدا لأن الطلب اللي طلبته ده يهم كل الأطفال والكبار".

 

وبمناسبة الاحتفال باليوم العالمي للتسامح، أعرب مهند عن أمنيته في أن تصل الفيديوهات التي يقدمها على مواقع التواصل الاجتماعي إلى كل أنحاء العالم، ليفهم الجميع أهمية التسامح والقيم الطيبة، قائلا: "بفكر إن الفيديوهات اللي بعملها على الصفحة توصل لجميع أنحاء العالم، عشان يبقى رأي مصري وصل للعالم"، لتقاطعه المذيعة بعد انبهارها بفكره ولباقته في الحديث، قائلة: "أنا هروّح عارف كده! هروّح واسيبك بجد مش عارفة أرد عليك.. الناس هتنبسط أوي إنها تسمعك بس.. كلم أنت الناس وأنا هسكت".

 

تابع مهند حديثه بأنه يتمنى أن يسود التسامح والحب والرحمة والقيم الحقيقية في المجتمع والعالم بأسره، مضيفا: "لازم تحب غيرك ونفسك عشان تعرف تسامح.. في قول مأثور بيقول (إن أحسن الثأر العفو).. اعفو عنه لأن هو هيتضايق مش هيلاقي فيك الخصال اللي بيتكلم عنها فهيسكت".

تابع بوابة روزا اليوسف علي
جوجل نيوز