عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

الظهور الأول لنجل هشام سليم المتحول جنسيًا

بعد تصريحاته المثيرة، في أحد البرامج حول قصة تحول ابنته نورا من أنثى إلى ذكر، ظهر الفنان هشام سليم لأول مرة برفقة نجله "نور" إعلاميًا.



 

وأكد نجل هشام سليم، خلال لقاء متلفز "أونلاين"، أنه واجه صعوبات عدة في أثناء مرحلة اكتشافه الأمر، بالقول: "مكنتش فاهم حاجة ودورت على الإنترنت أنا عايش في مصر ومفيش الكلام ده هنا، لحد دلوقتي معرفش غير شخصين تلاتة بس اللي زيي، والصراحة كان في أوقات كتيرة كنت بفكر في الانتحار مكنتش حاسس إني طبيعي وحاسس إني مش عارف أعيش حياتي".

 

وأضاف نور: "مكنتش شايف مستقبل لنفسي.. لا جواز ولا شغل ولا أي حاجة.. بس اتعلمت أحب نفسي وأعمل اللي عليا، ومكنتش عايز أقول لوالدي ووالدتي أي حاجة غير لما أكون أنا عارف أنا عايز إيه".

 

وبدأ هشام سليم حديثه لنجله، قائلاً: "إنت ابني.. أنا اللى جبتك للدنيا دي.. وأنا اللي لازم أقف جنبك.. ولو أي حاجة حصلت أنا موجود علشانك"، ورد عليه نجله بقوله: "شكرا ليك يا بوبس أنا لولاك مكنتش هبقى هنا وأنت طول حياتك بتعمل اللى تقدر عليه.. آه بنغلط وآه في مشاكل بينا ساعات بس أنت أبويا وهتفضل أبويا مهما حصل".

 

كان هشام سليم قد قال خلال لقائه في برنامج "شيخ الحارة والجريئة"، مع المخرجة إيناس الدغيدي، إن ابنته نورا متحولة جنسيًا إلى ذكر وأصبح اسمها نور، وأضاف: "بنتي نورا بقت ابني نور وربنا اللي عايز كده وهي بتتحول جنسيًا حاليًا، وأنا مستغربتش أبدا إنها تتحول جنسيًا لأنها من ساعة ما اتولدت وأنا كنت شايف إن جسمها ولد وكنت علطول بشك في الحكاية دي.. وفي يوم من الأيام قالت لي أنا عايشة في جسم غير جسمي وكان وقتها عمرها 18 سنة ودلوقتي 26 سنة".

 

 

 

تابع بوابة روزا اليوسف علي
جوجل نيوز