"ما تمشيش وتسبيني".. رسالة مؤثرة من أحمد زاهر لابنته ليلى بعد زفافها

وجّه الفنان أحمد زاهر رسالة مؤثرة إلى ابنته ليلى، بعد حفل زفافها على الفنان والمنتج هشام جمال، بكلمات نابعة من قلب أب يزف ابنته إلى عش الزوجية.

ونشر أحمد زاهر، مقطع فيديو عبر حسابه علي تطبيق "إنستجرام"، وهو يرقص مع ابنته ليلى على أنغام أغنية "بنت أبويا"، وكتب: "وأنا داخل أرقص معاكي، شوفت وشك اللي زي القمر، أجمل عروسة في الدنيا كلها، بصيت في عينيكِ، وفجأة مر قدامي شريط ذكريات من أول لما جيتي الدنيا، وأنا أول واحد شلتك بين إيدي، وشفت كل لحظة وأنتي بتكبري قدام عيني، لحد اللحظة اللي احنا بنرقص فيها مع بعض وأنتي عروسة زي القمر، وخلاص هتسيبيني وتمشي مع عريسك".

وأضاف: "حسيت بمشاعر كتيرة متناقضة ومختلفة، والدموع نزلت من عيني غصب عني، وحسيت إني عاوز أقول لك لا ما تمشيش وتسيبيني، وأرجع في كلامي بس في نفس الوقت أنا عارف إن دي أجمل لحظة في حياتك، إنك اخترتي اللي بتحبيه وبيحبك، وبصراحة اخترتي صح، راجل محترم، وبيحبك وبيقدرك، وهيشيلك جوة عنيه زي ما وعدني، مبروك يا بنت عمري، يا بنت قلبي، بحبك يا أجمل بنوتة، وأجمل عروسة في الدنيا كلها، بحبك يا ليلى".