لبيب ومنصور وجهًا لوجه.. جلسة تصفية الأجواء لإنقاذ الزمالك

أبدى أيمن يونس، نجم الزمالك السابق، حزنه على حال الأبيض بعد الخروج من بطولة الكونفدرالية الأفريقية على يد فريق ستيلينبوش الجنوب أفريقي. 

قال يونس في تصريحات تليفزيونية عبر قناة أون سبورت: نادي الزمالك مش هيضيع ولا هينهار ولو الكل ساكت دلوقتي علشان في مسؤولين محترمين ماسكين النادي فالكل مستني يشوف هيعلموا ايه وكلنا عايزين نخدم.

وأضاف: أنت لا تعرف حجم الانهيار اللي فيه الناس، اللعيبة القدامى في الجروبات منهارة وكلهم عايزين يروحوا النادي بس إحنا مش هنفرض نفسنا على المسؤول في النادي حاليًا.

وأكمل: لكن هما لازم ينظموا نفسهم ولازم الناس في الإدارة تشتغل بشكل احترافي بقى ويبقى في هيكلة بجد وإدارة محترفة بجد .. هاتوا ميدو محترف وهاتوا حازم إمام محترف لازم شغل احترافي مش بالجدعنة.

وأردف: نادي الزمالك كبير أوي وانا من خلالك بدعو كل رؤساء الزمالك عشان يقعدوا مع بعض، هكلمهم السبت والأحد هدعو كل اللي عايش كابتن حسين لبيب والاستاذ ممدوح عباس والمستشار مرتضى منصور والدكتور كمال درويش.

وزاد: هستضيفهم عندي في البيت والقعدة دي لازم تتم بجد وهكلم كل واحد منهم، ولازم إذا كانوا عايزين الزمالك بجد احنا في مرحلة خطر بجد والزمالك بيتم تفريغه من نجومه وسهل يحصل كده فيه".

وأتم قائلًا: لو الاربعه دول مأعلنوش أنهم ايد واحدة يبقي باسم الزمالك يبقي هنفصل في مشاكل كتيرة، لجانهم مبهدلة نادي الزمالك وحوارتهم تابعة الزمالك وخلافتهم مقسمة الزمالك.