بالأرقام.. تفاصيل عرض الزمالك المادي لتجديد تعاقد زيزو

كشف الإعلامي سيف زاهر، أخر تطورات موقف أحمد مصطفى زيزو لاعب نادي الزمالك، الذي ينتهي تعاقده بنهاية الموسم الجاري. 

قال زاهر في تصريحات تليفزيونية عبر قناة أون سبورت، "موضوع زيزو الزمالك بيقرب فيه ومش معنى كلامي أنه خلاص قاعد في الزمالك، لكن الزمالك بكره في قعده مع زيزو موفر فيها 50 مليون جنيه للاعب و27 مليون جنيه لوالده ووديعه كمان 100 مليون لحفظ حقوق اللاعب".

وأضاف، "والد زيزو بيدور على اللي يحفظ حق ابنه وده مقدرش ألومه فيه".

وأكمل،: " اللي بيحصل دلوقتي في موضوع زيزو هو احترافية ممكن يكون حصل جلسات من والد زيزو مع الاهلي ولكن لسه مفيش اي امضاء رسمي".

وأتم قائلا، "والد زيزو دلوقتي يهمه الفلوس عشان يضمن حق ابنه في الـ 3 سنين اللي الزمالك عايز يجددهم للاعب، بكرة جلسة هنشوف هيحصل فيها ايه، هنشوف لو بكرة الاتفاق متمش، وارد جدًا نلاقي والد زيزو راح يخلص الناحية التانية أو أي نادي برا".