سترتني ربنا يسترك.. نشوى مصطفى ترثي زوجها بكلمات مؤثرة

نعت الفنانة نشوي مصطفي زوجها الراحل بكلمات مؤثرة، من خلال صفحتها علي موقع التواصل الاجتماعي "فيسبوك".

 

 

 

وكتبت نشوى مصطفى: "سترتني ربنا يسترك، وأكرمتني ربنا يكرمك، سيبت لي أجمل هدية ولادنا ربنا يهاديك بالفردوس الأعلى، 33 سنة ستر وكرم ومحبة ومودة ورحمة، علمتني إزاي أكون من المتصدقين، علمتني إزاي أكون دايماً في معية الله، علمتني إزاي تكون عزة النفس، علمتني إزاي أتسامح حتى مع اللي أذاني، علمتني إزاي أتوكل على الله في كل شؤوني، علمتني إزاي أكرم ضيفي، علمتني معنى التواضع مع عباد الله الضعفاء، يا نبيل الأخلاق يا ابن الأصل العالي، نسيت تعلمني إزاي أقدر أعيش من غير وجودك".

 

وتابعت نشوى: "مبعدناش عن بعض لحظة، 33 سنة ذكريات وحياة بحلوها ومرها، 33 سنة كنت خير زوج وخير أب، 33 سنة أكرمتني وسترتني وجبرت خاطري وربيت عيالنا أحسن تربية، ليه يا عماد سيبتني لوحدي كده ما استاهلش منك تسيبني لوحدي، ده أنا مبعرفش أعمل حاجة في الدنيا، أنت اللي كنت بتعمل لنا كل حاجة،أنت اللي سندتني في كل ظروف حياتي الصعبة، في شدتي وفي مرضي شيلتني وطبطبت عليا، ياه على غلاوتك يا عشرة عمري، ياه على غلاوتك يا أبويا وأخويا وحبيبي وجوزي وابني، بموت يا عماد، بموت وأنت مش قدام عيني، هكمل إزاي يا رب من غيره، ادعو له بالرحمة وادعولي بالصبر وادعو لولادي بالصبر والثبات".

 

يذكر ان الفنانة نشوي مصطفي فقدت زوجها صباح يوم السبت الماضي الموافق 28 ديسمبر، وتم تشيع الجثمان عقب صلاة الظهر من مسجد حسن الشربتلي بمنطقة التجمع.