الكشف عن تفاصيل التسريب الصوتي لطاقم تحكيم مباراة الزمالك والبنك الأهلي (فيديو)

أذاع الإعلامي إبراهيم فايق، عبر برنامج "الكورة مع فايق"، تسجيل صوتي تم تسريبه، يكشف ما دار بين محمد عادل، حكم مباراة الزمالك والبنك الأهلي، وميدو سلامة حكم الفيديو.

وفاز الزمالك بنتيجة 3-2 على البنك الأهلي، في افتتاحية بطولة الدوري المصري. 

حصد الزمالك نقاط الفوز بعد احتساب ركلة جزاء سجلها عبد الله السعيد في اللحظات الأخيرة، وهي الحالة التي أثارت الجدل، وتم تسريب حديث حكم الساحة مع حكم الفيديو.

نص التسريب الصوتي:

 ميدو سلامة: أنا عندي لمسة اليد قبل خطأ المهاجم، عندي احتمالية لوجود ركلة جزاء تعالى، بص يا عادل هوريك الزاوية أهو دي لحظة لمسة اليد.

محمد عادل: أنا عايز أشوفها بس.

ميدو سلامة: أنا معاك أهو أنا معاك في كل حاجة.

محمد عادل: متقوليش أنا عندي.

ميدو سلامة: أنا معاك في كل حاجة يا حبيبي أهو، واحدة واحدة.

محمد عادل: ارجعلي يا ميدو.

ميدو سلامة: وصلت وصلت؟.

محمد عادل: ارجع يا ميدو.

ميدو سلامة: ماشي.. 3 فريم ورا.

محمد عادل: ها

ميدو سلامة: امشي أهي.. هنا حصل لمسة اليد، امشي امشي، حصل الفاول بعدها.

محمد عادل: ارجع تاني يا ميدو.

ميدو سلامة: ارجع ارجع، امشي.

محمد عادل: لا أنا عايز السرعة العادية.

ميدو سلامة: ماشي هات السرعة العادية.

محمد عادل: يا راجل دي الكورة مرتدة من الأرض الله يخربيتك.. تاني يا ميدو.

أسامة السيد (مساعد حكم الفار): أجيب له الclose.

ميدو سلامة: هات الclose.

أسامة السيد: خد الclose دا كمان.

ميدو سلامة: أهو.. طب خد دي خد دي.

محمد عادل: صعبة أوي يا ميدو.

شاهد الفيديو من هنا