عن فترة اكتئابها.. هلا رشدي: "زوجي صبر عليا صبر أيوب"

كشفت الفنانة هلا رشدي تفاصيل إصابتها بالاكتئاب في الآونة الأخيرة، من خلال برنامج بودكاست "تنفس" الذي يعرض على منصة "اليوتيوب"، لتشارك جمهورها تجربتها، مؤكدة أن الرضا والدعاء وذكر الله كان أكثر الأمور التي أسهمت في خروجها من المرض.

 

 

وقالت الفنانة هلا رشدى: "جالي اكتئاب في 2019، وروحت لدكتور نفسي وشخصني، والدنيا اسودت في وشي، وعملت حاجات غلط عشان أكون كويسة، وكنت بخبط دماغي في الحيطة وبقول لربنا أنت سايبني ليه خدني عندك، وزوجي لم يتخل عني وصبر عليا صبر أيوب وكلمت ربنا وقولت لنفسي أنا هموت ولا إيه إني مش صح ومش قادرة أعبدك ولما بقرأ قرآن بحس بحاجز كبير، طلعني يا رب من اللي أنا فيه، وقعدت فترة مش بصلي خالص، وكنت بقرأ الورد بس، ويوم عيد ميلادي الـ33 قولت لنفسي دا عمر أهل الجنة وروحت صليت وقولتله هحاول أكون معاك يا رب قويني".

 

 

 وأضافت: "الرضا جنة الدنيا والسلام النفسي أن الإنسان يكون مطمن لأقدار ربنا وعارف إنه مظبطله حياته وأموره كلها، وإن بعد المحنة هيكون فيه فرحة، والرضا موجود في أصغر الأشياء، والمقارنات على السوشيال ميديا مش حقيقة ولما روحت عمرة بعد فترة الاكتئاب اللي مريت بيها حسيت إني طايرة وسط الناس، رغم أنني عملت عمرات بعدد شعر راسي".