حورية فرغلي: استئصال الرحم وحنيني للأمومة سبب موافقتي على «رابونزل»

كشفت الفنانة حورية فرغلي، في تصريحات خاصة لبوابة «روزاليوسف»، سبب موافقتها على مسرحية «رابونزل»، قائلة: «أنا سعيدة جدًا بالمسرحية وعمري ما تخيلت، إني أعمل مسرحية، لكن أنا كان عندي أورام في الرحم ووالدي حاول كتير يقنعني أشيل الرحم وأنا كنت برفض".

 

 

وتابعت حورية تصريحاتها: «في مرة كنت تعبانة جدًا، وأبويا جيه شافني بالحالة دي ضحك عليا ونقلني المسستشفي بحجة إني هدخل العمليات أشيل الأورام فقط، لكن اتفاجئت بعد ما فوقت من البنج إنهم استئصلوا الرحم كله ووقتها زعلت جدًا وبكيت كتير لأن كان نفسي أكون أم، وبعد خروجي من المستشفى لقيتهم بيعرضوا عليا دور رابونزل في مسرحية للأطفال فحسيت إن ربنا بيعوضني لأنه عارف أنا بحب الأطفال بالرغم إني مستحيل أبقى أم".

 

وعن نجاح مسرحية "رابونزل" قالت الفنانة حورية فرغلي: "أنا سعيدة جدًا بالمسرحية وسعيدة أكتر إن الجمهور كله في المسرح أطفال".

 

كما كشفت عن جربتها للمرة الأولى على المسرح وقالت: "المسرح أصعب بكتير من المسلسل والفيلم، لكن الحمدلله أنا مبسوطة أوي بالتجربة ديه وإن شاء الله تنجح أكتر من كده".

 

وقالت الفنانة حورية فرغلي لبوابة روزاليوسف: "الفترة القادمة إن شاء الله عندي فيلم ومسلسل لكن مش هقدر أتكلم عنهم غير لما أخلص تصوير الأول، ويارب الأعمال ديه تعجب الجمهور وينجحوا وتنجح المسرحية معاهم أكتر".