شيرين عبد الوهاب: أهل الكويت شالوني من على الأرض شيل

كشفت الفنانة شيرين عبد الوهاب عن سعادتها بعد حفلها معربة عن امتنانها لاستقبال الجمهور لها في دولة الكويت.

 

 

وقالت شيرين في لقاء مع برنامج et"  بالعربي": أنا لما بغنى في أي بلد بحس إني صوت البلد اللي بغنيلها، وده شرف كبير لو تسمحلي الناس أنا أديه لنفسي، أجمل من كده مشوفتش الحمد لله استقبال هايل وعظيم أهل الكويت شالوني من على الأرض شيل.

 

 

وكشفت شيرين عبدالوهاب عن أغانيها الجديدة: "في أغاني معمولة لكن مش عارفة الشركة هتنزلها ولا لا، ومعرفش موقفين الدنيا ليه وكمان في 3 أغاني تانين جاهزين".

 

حفل شيرين عبدالوهاب في الكويت 

أحيت شيرين عبدالوهاب مساء يوم الجمعة الماضي الموافق 3 مايو، حفل غنائي بدولة الكويت وسط عدد كبير من محبينها، وبدأت شيرين الحفل بالترحيب وقالت: "أنا سعيدة إني في وسطكوا النهاردة، وأنا النهاردة صوت الكويت، وبحس إن أنا صوت كل بلد بغنيلها، أنتم بتحسسوا الفنان إنه صوتكم فعلا وبيعبر عنكم شكرا شكرا ليكم من كل قلبي".