"عيد الأبطال".. قصيدة للشاعر محمد علي راشد في عيد العمال

تنشر "بوابة روزاليوسف" قصيدة بمناسبة احتفالات عيد العمال بعنوان "عيد الأبطال" للشاعر محمد علي راشد.

عيد الأبطال 

.............

عيد الأبطال.. عيد العمال 

علوا البنيان في كل مجال 

ادي الزراع... وادي الصناع 

بادين مصريه..تهد جبال 

دايسين ع الصعب بعزم رجال 

..........

بالإيد في الإيد ماشيين صامدين 

مطرح ما يخطو نشوف بساتين 

في القلب شموع ..وعلم مرفوع 

وبروح النصر ..عبروا ..الأهوال..

وتعيشي يا مصر..يا أم الأبطال..

.........................

بيعدو.. جسور.. رايحين للنور 

ما شيين بثبات بيخطو بحور 

رافعين الراس بشموخ وحماس

بيقولو يا مصر ..احنا العمال 

ح نخطي الصعب وكل محال

..........................

في قلوبنا هتاف ..فاق الأوصاف 

نهديه الروح ..ولا يوم ح نخاف..

ولا زي بلادنا ...غلاوة ..بلاد 

وح تفضل مصر ..مدى الأجيال

أرض الأبطال ..بلد ..العمال ...