نشوى مصطفى متحمسة جدا للوقوف أمام خالد النبوي في إمبراطورية ميم

أبدت الممثلة نشوى مصطفى، بالغ حماستها بعد انضمامها لأسرة مسلسل "إمبراطورية ميم"، بطولة خالد النبوي، والمقرر عرضه ضمن موسم رمضان 2024.

وقالت نشوى مصطفى بعد تعاقدها على المسلسل للوقوف أمام خالد النبوي: "متحمسة جدا يا رب التوفيق.. ما شاء الله لاقوة إلا باله"، مضيفة: "تحويشة العشر سنين اللي فاتت.. متحمسة جدا.. لما كان يتعرض عليا دور مش حاساه كنت باعتذر وأنا بتقطع بس كنت باقول حقى فى المرحلة دى واللي باقى من العمر انى أستمتع وأنا باعمل فن".

وتابعت نشوى مصطفى: "وايه متعة اكبر من أنى باذن الله اكون واحدة من فريق عمل عظيم وراقى .. نص عظيم لاستاذ احسان عبد القدوس سيناريو وحوار دكتور محمد سليمان عبد المالك صاحب الاعمال المميزة واخراج واعى  جدا جدا وناجح فى كل أعماله باقتدار واسمه بانى ثقة بينه وبين جمهوره الأستاذ محمد سلامة وإنتاج لشركة اعمالها ترند شركة اروما ".

وأضافت نشوى مصطفى"وخالد النبوى، أقصد الخالد النبوى، خالد اسمه لازم يسبقه ألف ولام بغض النظر عن حضوره اللي ربنا صارفهوله بزيادة هو كمان ممثل هاند ميد ممثل يعلى اي ممثل يقف قدامه وممثل هاوى بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية  ويابختى حقيقى  وبالمناسبة ده سادس عمل بإذن الله امثل فيه مع خالد كلى ثقة فى توفيق ربنا وكرمه بإذن الله دعواتكم أكون عند حسن ظن حضراتكم".