عاجل.. 15 رسالة من الرئيس السيسي للقطاع الخاص والمستثمرين الأجانب"لا تضيعوا الوقت"
شهد الرئيس عبد الفتاح السيسي، افتتاح مجمع مصانع الكوارتز بالعين السخنة، اليوم الخميس. وبعث الرئيس بعدة رسائل مهمة للقطاع الخاص والمستثمرين في الداخل والخارج داعيًا إياهم لاقتناص الفرص الاستثمارية الموجودة في مصر.
وجاءت الرسائل كالتالي:
1. نحتاج إلى الاستغلال الأمثل للفرص الاستثمارية المتاحة في قطاع التعدين.
2. هذه الفرص ستوفر لمصر عوائد مباشرة من دخل التصدير وغير مباشرة من توظيف العمالة.
3. أدعو إلى الاستثمار في قطاع التعدين واستغلال الفرص المتاحة.
4. حريصون على إزالة المعوقات أمام الاستثمارات في قطاع البترول.
5. يجب الاستفادة من المواد الخام المتوفرة في قطاع التعدين.
6. الدولة المصرية تحاول تعظيم الهيئة المصرية العامة للثروة المعدنية.
7. بقول لكل الناس والصندوق السيادي والبورصة المصرية، الحاجات اللي بنفتتحها متاحة للمستثمرين المصريين والأجانب.
8. المشروعات متاحة للطرح في البورصة علشان ندى فرصة للمواطنين للاستثمار في مجالات أخرى وبعوائد مضمونة .
9. للمستثمرين الأجانب: "إحنا معاكم علشان تخشوا.. ولو عايزين تخشوا لوحدكم تمام، أنا قلت الكلام ده من أول مشروع الرمال السوداء".
10. المشاريع دي استثمارية بتجيب عوائد مستقرة سواء للسوق المصري أو الخارج وبالعملة الحرة.
11. لرجال القطاع الخاص والمستثمرين في مصر: " من فضلكم ما تضيعوش وقت تاني، وأي مشروع من اللي إحنا بنتكلم فيه، فرص نجاحه جيدة وفقا للبيانات".
12. الدكتور مصطفى مدبولي: "محتاج ترويج ولقاء مع اللى بيتشغلوا في المجالات التعدينية بصفة عامة ونقولهم فيه فرصة كويسة جدا".
13. إحنا عندنا المادة الخام اللي ممكن تطلع من مصر ويتم تصنيع كل المراحل في مكان واحد بكل ما يعنيه ذلك لتقليل التكلفة.
14. الفرص الموجودة عندنا مش كتير قوي، لكن على الأقل الموجود عندنا ناخد الحد الأقصى بتاعه.
15. أتوجه بالشكر لكل من ساهم في خروج مشروع مجمع مصانع إنتاج الكوارتز بالعين السخنة.