حاتم صلاح: خفت من دور الشرير في "الصفارة" والفن خطفني من الجواز

قال الفنان حاتم صلاح عن دوره في مسلسل الصفارة ، إنه كان قلقان لما الاستاذ أحمد أمين كلمه ، لأن الدور المفروض شرير وبيضحك في نفس الوقت .

وأضاف خلال حلوله ضيف ببرنامج واحد من الناس مع الإعلامي د. عمرو الليثي على شاشة الحياة ، أصيبت بدور حساسية على الصدر قبل المسلسل بيومين ، وكلمتهم اعتذر ، وقالوا لى لا روح لدكتور ، والدكتور قال لى لازم راحة ١٤ يوما على الأقل ، وكلمت الأستاذ أحمد أمين قال لى هاخدك معايا حتى لو بتطلع بضهرك وده طمنى جداً لأن كانت الكحة شديدة .

وتابع حاتم إن من أحلى المشاهد اللى عملتها في مسلسل الصفارة وبضحك عليها جدا هو مشهد تاجر الآثار ، ومشهدا أنا طه في صالة البلياردو برضو من المشاهد اللى بحبها .

وأضاف حاتم أن كان هناك خروج عن النص في الصفارة بس مش زي الكبير أوى ، وكنا بنغير اللازمة كل حلقة .  

 وأشار حاتم إلى أنه لم يتزوج بسبب الفن وأنه أجل مشروع الزواج حتى يقف على أرض ثابتة في الفن ، وأنا لفيت على مكاتب الكاستنج كتير ، واشتغلت في الأول في شركة تأمين وشركة شحن جوي وبحري وشركة سيلز وشغلانات صعبة كتير ، وأنا بدأت من تحت ، وأنا شوفت حاجة للأستاذ نور الشريف بيقول إنه أنتج لمخرجين صغيرين زي محمد خان ودواد عبد السيد علشان يختصر ليهم وقت وبقوا مخرجين كبار والأستاذ أحمد الجندي وأحمد مكي عمل معانا كده وطلعوا جيل جديد .