حاتم صلاح: أصيبت بتمزق في "الكبير اوي" والهجوم على "مربوحة" منظم
محمد عبد الخالق
قال الفنان حاتم صلاح انه سعيد وفخور بالمشاركة بمسلسل الكبير والناس كانت بتشبه عليا من غير الباروكة ، لكن دلوقتى خلاص بقيت مشهور ، وأول ما تصدرت التريند ، اتخضيت وخوفت وكمان العروض بقت كتير .
وأضاف خلال حلوله ضيف ببرنامج واحد من الناس مع الإعلامي د. عمرو الليثي على شاشة الحياة ، و استشرت الفنان احمد أمين قال لى اتبسط باللى انت عملته و خدها واحدة واحدة ، وسر النجاح الفريق كله والأستاذ أحمد الجندى مخرج كبير ، ووالنجم أحمد مكى نجم كبير و يسمح بكل المساحة دى للممثلين معاه دى حاجة محترمة ، وكل مشاهد المسلسل كنا بنخرج فيها عن النص ، و بنرتجل كتير ، وفي مشهد مع حزلقوم مقدرتش أمسك نفسي من الضحك ، و بقيت كل ما ابص ليه اضحك و ابتدى أستاذ أحمد الجندي يقفش علشان المشهد تم إعادته أكثر من مرة .
وتابع حاتم أن هناك علاقة رائعة تجمعه بالممثلة رحمة واشتغلت معاها في أمين و شركاه ، وهى كوميديانة كبيرة وبتعمل حاجات محدش يعرف يعملها غيرها .
وعن الهجوم على الفنانة رحمة أعتقد أنها كان حملة ممنهجة لأن البوستات كانت واحدة ، وكلمتها تانى يوم رمضان وقولت ليها ما تقلقيش ، وعادى انا برضوا اتشتمت كتير في أول الموسم السادس ومكي قال لى ما تقلقش ، وهي ما تستهلش الهجوم ده و هى ممكن ما تستحملش لكن لكن مع الوقت بنتعود .
وتابع إن من أصعب المشاهد حلقات المبارة وكورة القدم ، وفي أول يوم تصوير جالي تمزق فى الأربطة وكان لازم أجبس رجلي لمدة أسبوعين ، وكلمت دكتور صديقي عملي جبيرة مثل اللاعبين وكانت بحاول أخفى إصابتي في الجري