بطريقة بسيطة ولغة عامية .. اعرف كيف قدرت دار الإفتاء قيمة زكاة الفطر
01:59 م - الثلاثاء 28 مارس 2023
دار الإفتاء المصرية
كتب
السيد علي
نشرت دار الإفتاء المصرية عبر صفحتها الرسمية على موقع التواصل الاجتماعي "فيس بوك "، طريقة حسابها لقيمة الحد الأدنى زكاة الفطر لعام ٢٠٢٣.
وقالت دار الإفتاء، بطريقة سهلة وبسيطة وميسرة ولغة عامية أيضا سهلة وبسيطة اعرف كيف قدرت قيمة زكاة الفطر.
كيف تم احتساب زكاة الفطر
وقالت دار الإفتاء إنه تم احتسابها على القمح اللي بيتعمل منه العيش اللي كل الناس في مصر بتاكله لأن بيوت كتير مش بتاكل لا رز ولا تمر ولا زبيب
طيب سعر أردب القمح كام ١٧٠٠ جنيه
والأردب فيه ١٥٠ كيلو
يبقى سعر الكيلو كام ١١.٣٣ إحدى عشر جنيه وثلاثة وثلاثون قرشًا
طيب والزكاة أد ايه ٢.٦ كيلو
يبقى نضرب ٢.٦ كيلو * ١١.٣٣ ، يطلع الناتج ٢٩.٤٦
ودار الإفتاء قالت إنه ٣٠ جنيها و ٣٠ جنيها الحد الأدنى يعني طلع أكتر من ٣٠ جنيه لو معاك ودخلك يسمح لك
بس اللي مش هيقدر فأقل حاجة يطلعها عن الفرد ٣٠ جنيها.
طيب أنا شايف إن ٣٠ جنيها قليل مش هتعمل حاجة يبقى تطلع ما ترضاه نفسك وتحس إنه له قيمة لكن لا تقل عن ٣٠ جنيها ولا تلزم غيرك يطلع زيك لأن ممكن يكون غير قادر
آخر وقت لإخراج زكاة الفطر
وأوضحت دار الإفتاء آخر موعد لإخراج زكاة الفطر، وهو قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر.
ربما يعجبك
تابع بوابة روزا اليوسف علي
جوجل نيوز
