د. فاطمة كمال تنصح السيدات: احذري الفيلر قد يؤدي للتشويه في هذه الحالة!

نصحت الدكتورة فاطمة كمال، استشاري أمراض جلدية وعلوم الليزر الطبية والعلاج الضوئي، البنات في سن العشرين، فيما يخص الإقبال الكثيف على عمل الفيلر والبوكتس في هذا السن الصغير، قائلة إن "الفيلر ما نصحش بيه لسن صغير طبعا، يعني بعد 25 سنة أفضل سواء وجه أو شفايف سواء للشد أو للتعبئة، وأنصح بيه كمان بكمية طبيعية مش الأوڤر اللي بيحصل اليومين دول".

ووضحت السبب قائلة "لأن طرق حقن الفيلر بتختلف على حسب الغرض منه سواء شد أو تعبئة، أما بالنسبة للبوتكس ملوش سن معين يعني ممكن نبدأ به من سن الـ20 سنة حتى السيدات اللي بيعانوا من تجاعيد تعبيرية قوية، وده طبعا عشان نحافظ على الجلد من أن التجاعيد دي تتحول لتجاعيد ثابتة صعبة في علاجها" . 

وأشارت دكتورة فاطمة إلى أن "اضرار الفيلر كتير، لو اتحقن غلط أو بكميات كبيرة ممكن توصل للتشويه وفقدان الأنسجة، والبوتكس أقل ضررًا، إلا إذا اتحقن غلط، وبيتعافي العرض الجانبي لوحده أو أفرطنا في الحقن ففترات قريبة ممكن يفقد فاعليته على العضلات لتكوين أجسام مضادة ضده".