أحمد السعدني: دوري في "سره الباتع" فرصة لا يمكن رفضها

كشف الفنان أحمد السعدني تفاصيل دوره في مسلسل سره الباتع قائلاً: "دوري في سره الباتع مختلف جدا. والعمل يحوي عصرين شق عصري والآخر تاريخي والسلطان حامد موجود في الشق التاريخي غبان الحملة الفرنسية".

تابع خلال مداخلة مع برنامج "كلمة أخيرة" الذي تقدمه الإعلامية لميس الحديدي على شاشة ON: كنت عايز أشتغل مع خالد يوسف ومسلسل سره الباتع أول عمل درامي له وهو مخرج شاطر جداً وأنا حابب الشغل معاه والتجربة خاصة أن خالد يوسف بيدي كل دور حقه، وبيطلع أحسن شغل، وتجربة مسلسل سره الباتع ممتعة جدا."

تابع: "مكنش ينفع أرفض الدور لان الفرص مش بتيجي كتير و لأول مرة أعمل مع الفنان أحمد عبدالعزيز ومستمتع جدا بذلك. وفيه شغل وجهد كبير و مسلسل سره الباتع كل حلقة فيها أكتر من ماستر سين".

 

 وعن حالة والده الفنان القدير صلاح السعدني قال: "زي الفل الحمد لله بصحة جيدة وبينزعج من السخافات والشائعات اللي بتنتشر على السوشيال ميديا لكن هنعمل إيه السوشيال ميديا والتريند بقت لغة العصر والناس بتجري ور أي شائعات".

أكمل: "بيستمنتع بالهدوء في حياته ويشاهد المباريات".