أحمد العوضي عن مسلسل "ضرب نار": دراما مختلفة قريبة من الشارع المصري

كشف الفنان أحمد العوضي عن كواليس مسلسله الذي سيعرض في موسم  رمضان 2023، قائلًا: "مسلسل ضرب النار سيكون له صدى قويا وهتشوفوا حاجة قيمة، إحنا عاملين حاجة مختلفة تمامًا عن مسلسل اللي مالوش كبير، قصة جديدة وراجعلكم بالكوماندا “جابر أبو شديد".

وتابع أحمد العوضي: "مهرة لديها قصتها في شبرا وأنها مكافحة، وجابر الكوماندا في مسلسل ضرب نار، مختلف عن مسلسلنا في رمضان الماضي". 

وحول استقاء إفيهات جديدة قد تعلق في أذهان المواطن على غرار "اللي مالوش كبير"، قال: "عملت زي اللي مالوش كبير ونزلت الشارع ودرست الشخصية  وبوعدكم هتتفرجوا على شخصية  حقيقية  تقدم مفردات جديدة وقديمة ومفردات صعيدية وستكون أقوى من شخصية الخديوي وإفيهاته". 

 

وردًا على سؤال "هل سيجمعهما قصة حب على غرار "اللي مالوش كبير"، قال : سيكون هناك قصة حب لكن مختلفة تمامًا عن غزل والخديوي لأن الاخير درامته عنيفة شوية، انتظروا مسلسل  قوي وهو مسلسل الشارع أنا بسميه كده وهو مسلسل قريب من الناس والشارع المصري نتمنى يعجب الجمهور ونبقى عند حسن ظنهم لإني اعتدت على تقديم شخصيات حقيقية في المسلسلات وهتشوفوا مسلسل قوي جدا ودراما حقيقية وقريبة من الناس".