الرئيس عبدالفتاح السيسي: الجيش جزء من السياسة التنفيذية للدولة وله موقف

 قال الرئيس عبدالفتاح السيسي، رئيس الجمهورية، خلال كلمته في الجلسة الختامية للمؤتمر الاقتصاي مصر 2022: "أنا مش بشارك معاكم هنا كرئيس مصر، بالمناسبة أنا لما بقول الكلام ده الناس بتفتكرني بكسر مشاعر الناس، أنا مش بعتبر نفسي رئيس مصر، بعتبر نفسي إنسان طلب منه التدخل لحماية وطن بس، كان لها أن تنسرق".

وأضاف السيسي: "أصل أدبيات الرئيس حاجة، وأدبيات المواطن حاجة تانية، وأدبيات السياسي، وأدبيات المواطن حاجة، وأدبيات البطل حاجة تانية".

وتابع: "ساعة ما حصل أحداث 2011 و2012 و2013، كانت الدنيا كلها بتقول هو ساكت ليه وسايبنا ليهم ليه وهما هيعلموا فينا ايه، الجيش يعرف إللي بقوله ده كويس وبعض المفكرين يفهموا ده كويس".

واستكمل قوله: "الجيش ده جزء من السياسة التنفيذية للدولة، جزء من الكيان، ويخضع لرئيس الجمهورية، وينتبه ويعرف أن البلد داخله على حرب أهلية ولا بد يكون ليه موقف، الموقف ده يكلفه حد أدنى استمراره في الوظيفة، حد أقصى حياته".

وأضاف: "هو كان عارف ده كويس ولا حد علموله، أنا بقول الكلام ده دلوقتي لأن الواقع اللي ماشيين فيه متغيرش كتير عن اللي كنا موجودين فيه دلوقتي، 7 سنين في مسيرة دولة مش كتير أوي، وتم التحرك بالشكل اللي يرضي ربنا في المرحلة دي لإعطاء فرصة كاملة للناس اللي كانت موجودة بالنصيحة الأمينة المخلصة الشريفة، الشرف مش بيتجزأ، بتقول ده ليه، لأن الموضوع شريف أوي، الشرف مبيتجزأش، مبيتعملش شوية وينتهي، ده شخصية متقلبة ده شخصية خائنة لا لا لا الرزق على الله".

واختتم السيسي أن المؤتمر الاقتصادي هو تكملة الحوار الوطني، قائلا: "لما جيت عملت البيان 30 يونيو كنت حريص على التماسك الهش للدولة المصرية بما فيهم الفصيل ده، لأجل خاطرها، قالولي عايزين نحافظ عليك انت البطل، أنا ضهري ربنا، واللي يقدر على ربنا يتفضل".