رامي جمال يكشف سبب اعتزال زوجته الغناء
محمد إسماعيل
قال المطرب والملحن رامي جمال إن السبب وراء اعتزال زوجته المغنية ناريمان الغناء بعد زواجهما، جاء بناءً على اتفاق بينهما قبل الزواج.
ربما يعجبك
وأوضح رامي جمال، بقوله: "كان فيه اتفاق صريح بيننا من الأول، أنا قلتلها من حقك تغني ده قرارك، بس أنا صعب جدا بالنسبة ليا إن إحنا الاتنين نبقى مشهورين".
وأضاف رامي جمال: "مين هيخلي باله على اللي في البيت؟ قلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اخترتي إنك تبقي في بيتي عرفيني، وهي اختارت وقالتلي أنا موافقة أبقى في البيت".
وتابع جمال: "أنا دلوقتي شايف إني ممكن أعمل لها أغنية من وقت للتاني، من باب الهواية متتكتمش، لأن صعب جدا إن ربنا يكون مدينا هدية ومش عند ناس كتير وأنا أقول مش هتستخدمها، ودايما باخد رأيها في الألحان".
وكانت ناريمان قد فاجأت الجميع مؤخرا بإعلان خبر طلاقها من رامي جمال، ولكن لم يلبث أن أعلن جمال في فيديو أكد من خلاله عودتهما، وأضاف: "علاقتنا ربنا مبارك فيها والناس كلها زعلانة إننا زعلنا من بعض، بقول لناريمان وبقول لكم إنها حبيبتي وعادي نزعل وننفعل ودعواتكم؛ لأني لقيت إن أبغض الحلال عند الله الطلاق وأنا مبحبش أعمل حاجة بغيضة".
جوجل نيوز
